Activiteiten

Optoch Meas 2018

zaterdag, 10 februari, 2018

Euver de optoch van Meas wurdt veul gekald en gesjreeve, mer de mos ut gewoon mitmaake.
Kiek noa os filmpke en de zuus dat es de optoch stilsteit ste gewoon mit de luuj in de optoch ein fjeaske op straot kens boewe.

Auch al kens ste dich neet, same maaks ste sjpass en plezeer en dat is wie vastelaovend is bedoeld!

4 februari Kènjeroptoch Stein

zondag, 4 februari, 2018

Rondj de middig kaome ver bie ein om geschmikt te waere. Sjus op ’t moment dat ver nao Nieuwdorp wolle laope om op te stèlle veel nog ein flinke hagel buuj. Dus nog effe gewacht pès die euver waor.  In Nieuwdorp aangekòmme hoofde ver neet lang te wachten.  Veer woore ès nummer 4 in de optocht ingedeild. Mit Lieke ès vaandeldrager veurop  leepe ver de route
pès op ’t Wilhelminaplein. Dao höbbe ver de rest van de optocht gekeeke. Sjwaon groepen en einzelgengers kaome veurbie, mit ès hwaogtepunt Jeugdprins Quin dae enthousiast baove op de waage stong.

Prinsenpresentatie LOS

woensdag, 24 januari, 2018

Op waeg heives van de 11 van de 11 woore ein paar Neut door Ton Lexisaangehauwe en gevraogd of veer mit de Zaate Hermenie zouwe willen spelen bie de opnames van de Prinsenpresentatie. Mit ein bienao volledig bezètting verzamelden ver os bie Zalencentrum Kerensheide woo de opnames plaats gingen vènje. De camera’s stongen al gereid. Veer kreege ein plaats aangewezen naeve de bühne. Mit behulp van get ducktape hingen ver 2 vlaggen van De Douf Neut op de achtergrondj. Wieër waore ver herkenbaar veur ’t Steinder publiek aan ozze gaele polo.

Nuujjaorsblaosmiddig 2018

zondag, 14 januari, 2018

14 januari 2018 waor 't weer zwao wiet. De Nuuj joarsbloasmiddig van SBSG stong op 't programma. Mit ein flinke bezetting trokke ver dan aug nao Cafe ’t Houtereind oftewel
bie Marleen. Saame mit SBSG, de Peerlinkbend en oszelf, belaofde ’t weer eine legendarische middig te waere. SBSG waor es jetste van de drie compleet aanwezig en mooste dus het spits aafbiete / aafblaoze. Nao ein paar sjwaon nummerkes van hun, hauwe veer inmiddels de klankbuuze al goot genog gesmaerd om de bühne te betraeje.

Prinsenzitting Steinder Bök 2018

vrijdag, 12 januari, 2018

Op zoaterdig 6 januari kreeg Niels de vroag gesteld of veer zouwe willen spelen op de prinsenzitting van de Steinder Bök.  Hun hofkapel  Bokkekabaal hauw namelijk aaf motte zègge. Noa ein röndje bellen bleek dat ver voldoende bezètting hauwe om joa te kènne zègge teage Ton Sleijpen.

Treffen Peijer Doosvlaegels

vrijdag, 24 november, 2017

Door omstenj waore veer veul te laat mit oos aan te melje. Op ut moment dat Corina de de daag veur ut treffe noa Pey belde mit de vroag of ver doa nog mogte mitdoon kreeg ze es entjwoord dat dit gelökkig gein probleem waor. Spontaan woor gevroagd mit wieveul man ver koame, dan woor doa reakening mit gehauwe. Super!! 

PleinFestein 2017

zaterdag, 11 november, 2017

Om de vasteloavend de öpene woar der ein PleinFestein georganiseerd op ’t Wilhelminaplein. Diverse artiesten trooje op. Onger angere Marleen Rutten en Erwin.  Auch veer woare gevroagd om ein kort optreaje te verzurge.  De Peelinkbend ging os veur. Toen koste ver al mirke dat t geluid van ein Zaate Hermenie neet wiet dreugt. En die woare auch nog mit mjè man ès veer. Maar good. Wie veer aan de beurt woare höbbe ver os bès  gedoan .
Veer haupe dat de luu van Stein ’t toch leuk vonje. De vrouwluu van de Peerlinkbend in eeder geval waal, want die gingen spontaan dansen.

 

Oapening seizoen

zondag, 29 oktober, 2017

Op de jaorvergadering booj Lilian, es kersvers Douf Neut lid, spontaan aan om de oapeningsactivitet te organiseren.  Zie reigelde alles en vroog os om te verzamelen bie ’t Roda stadion in Kirkroaj. Veer ginge noa bènne bie Glow in de dark golf. Ein indoor midgetgolfbaan, gans opgeboed in neon kleuren en verleecht mit blacklight.  Ein activiteit woo eederein aan mit koos doon. Auch de allerkleinsten gingen mit stick en golfbal aan de slaag. Diverse hindernissen woore euverwonne op 18 holes.  Golfbèl woore geslagen door trollen, draken en kastjeale.

Oktoberjoeks Doubele Forto Zumpelveld.

zaterdag, 28 oktober, 2017

Veurig joar woare ver veur de 1e kjèr aanwezig op ’t treffen van Doubele Forto in Zumpelveld. Wie veer dit joar de oetnwediging kreege woare ver al gauw enthousiast om weer mit te doon. Auch dit joar woar ’t thema “Oktoberjoeks “. Op de lètste repetitie oefenden ver nog èns ff alle Duitsche nummers die ver in os beukske höbbe zitten. Ver hoalde allemoal  de lederhose en dirndl oet de kast en gingen noa Café Auwt Zumpelveld. De zaal woar sjoan aangekleid in Oktoberfest stijl. Veer woore welkom geheiten door Doubele Forte en kreege de vroag of veer ès 3e wolle optreaje.

Pagina's